சுய தேடல்

கருமை பீடித்த குகையில்
என் இரவுகள் கரைகின்றன
வாசல் தேடி.

சுவர்களை
பீறாண்டுவதற்கு வளர்த்த நகங்கள்
பிடுங்கி எறியப்பட்டன

எண்ணற்ற
ரீங்காரத்திலிருந்து விடுபட துடிக்கிறது
சரிகமபதநி

கனியாகும் வரை
காத்திருக்க வாயக்கவில்லை
பசியாற்றுவதற்கு

தொலைத்தவர்கள் தான் தேடவேண்டுமாம்
தொலைத்ததும் நானே
தொலைந்ததும் நானே
தொடர்ந்தும் தேடுகிறேன்
தொடர்ந்தும் தொலைகிறேன்
 

எழுதி தீராத
இந்த கவிதையிலும்.

நன்றி :  உயிரோசை