அமிழ மறுக்கும் பந்துகள்

நீ
என் மீது எறியும் எறிபந்துகள்

என் முகத்தையே தாக்குகின்றன
பால்யம்
தாண்டியும் தெறிக்கும் வலி

கன்றிப் போயிருப்பதை
வடுக்களுடன் நினைத்துக்  கொள்கிறேன்.
பதிலுக்கு நான் எறியும் எறிபந்துகள்

உன்னில் எதையும் குறிவைப்பதுமில்லை
தாக்குவதுமில்லை
இலக்கின்றி எறியப்படும் என் பந்துகள்
உன் பால்யத்திற்குள் தொலைந்து போகாமல்
சுழன்று கொண்டேயிருக்கும்
இறகின் லாகவத்துடன்
நீ
திரும்பிப்  பார்க்க நேரிடும்
பின்னொரு பருவதில்

உன் பால்யமே  வீழ்த்திவிடும்
என்
அமிழ மறுக்கும் பந்துகள்

நன்றி : கல்கி