தொடர் துரோகங்களால்
தழும்புகளின் அளவு பருக்கின்றன
6.1 அடியில் சில அங்குலமே மிச்சமுண்டு.

சடுதி பயணப் பொழுதில்
நிமிடங்களில் தவறிவிடுகிறது இறுதிப் பேருந்து.
'பயணத்திற்கு உகந்தது அல்ல உங்களின் மனவுடல்'
மருத்துவ அறிக்கை.

தோட்டத்து பழச்சாறு மீருசி
ஒரு சிலதைத் தவிர
எப்போதுமே அந்த சிலதிலிருந்து

முன்பொருகாலத்தில் புதையுண்ட
சொல்லொன்றை அகழ்ந்து எடுக்கிறேன்.
காணக் கிடைக்காத மலர் என்று தோழி சொல்கிறாள்
நெடியபோதை தரும் பழமையான வைன் என்கிறான் நண்பன்
1178 வருடத்திற்கு ஒரு முறை வரும் கிரகணம் என்கிறார் அப்பா
எனக்கு
வெளியேறுவதற்கான கதவு என்று தோன்றுகிறது.