வெளியேற்றம்

கரையான்கள் தின்றழித்த அச்சாணியற்ற சக்கரம் உதிரத்தொடங்குகிறது
மீண்டெழ முடியாத  வலைகளில் சுழன்றடிக்கிறது 
மிச்சக்காற்று

தகர கீரிடங்கள் நாற்காலிகளை அடைத்துக் கொண்டன
பகலிலும் பார்க்க முடிந்தது ஆந்தையை
இங்கு ஆள்பவர்களையும் அதிகாரிகளையும் 
தவிர்த்து மீதியுள்ளவர்கள் தலையில்லாதவர்கள்

வீசியெறிந்த மாமிசத்துண்டுகள்
மனிதனுடையதா ?
மனிதனுக்குடையதா ?

தொன்மங்களின் தெய்வக்கல் ஒன்று 
எல்லையிலிருந்து  நகர ஆரம்பித்தது

நன்றி :  உயிரோசை  
     ~   ~   ~