காலணிகளை வெளியே
கழட்டிவிட வேண்டாம் என்றாய்
சப்தம் எழுப்பாமல் கதவுகளை
தாழிடப்படுவதற்குள் தெருமுனை
வரை சென்று வருகிறது உன் பார்வை
கதவடைத்த பின் நெகிழ்ந்த உன் தேக சுவாசம்
என்னை இறுக்கி கொள்கிறது
உறிஞ்சலில் தொடங்கி
களைப்பில் கலைந்து கிடக்கும் உன்னை
பார்த்துக்கொண்டே நீள்கிறது நமக்கான காமம்
பின் மதியம் எழுந்து கொள்ளும் நீ
வரப்போகும் குழந்தை/கணவனு-க்கு
சமைப்பதிலும் தொ.கா தொடரிலும் கலந்து போவாய்
இரவு கலவியில் மிச்சங்களை
தேடி தோற்றும்போவாய்.
பிறிதொரு ரகசிய அழைப்பு வரும் வரை
உன் ஞாபக பிசுபிசுப்பில் கடந்து போகும்
எனக்கான இரவுகள்.
நன்றி : தகிதா
