நாளையும்

மேல்பூச்சில்லாத சுவர்
சுவரின் நட்ட நடுவில் கடிகாரம்
கடிகார இரு முட்களைக் காணவில்லை
நொடிமுள் மட்டுமே
சுற்றிச் சுற்றி தேடும் இனியும்.

பசுஞ்சாணம் மெழுகிய வாசல்
வாசலில் வெள்ளைப் பூவொன்று கோலமாய்
கோலப்புள்ளிகள் மறையத்தொடங்கின
பின் வெள்ளைப்பூ அந்தரத்தில் மிதக்கும்.

சித்தூசி விழ இடமில்லாத தெருக்கள் 
தெருக்கள் முழுக்க இலவச செருப்புகள்
ஒவ்வொரு செருப்பிலும்
மிதவை பலூன்கள்
கட்டப்படும் இலவசமாய்
அந்நாளொன்றில் தெருக்கள் வெறிச்சோடும்.

நாளையும்
மதி மறைத்த கதிரவன் உதிக்கும்.

நன்றி : உயிரோசை